香港做生意，最頭痛係咩？十個老闆九個都會答：請人難！尤其係餐飲、零售、護理呢啲行業，真係揾個伙記難過登天。本地勞工市場緊張，人工又高，唔通間舖頭真係要自己落手落脚做到斷氣？唔使驚，其實政府都有開道門，就係各類輸入外勞計劃。不過，成個申請外勞流程睇落好似好複雜，又要本地招聘，又要等批文，聽到都頭暈。
今次就同各位老闆傾下，點樣可以合法合規又輕鬆咁請到幫到手嘅外勞，等你可以專心盤生意，唔使再做「光桿司令」。
香港有咩外勞計劃可以揀？
首先，你要知自己行業屬於邊個計劃。最主要嘅係「補充勞工優化計劃」（ESLS），餐飲、酒店、零售等26個行業都適用，不過建築同運輸就唔得啦。至於外勞申請資格，簡單講就係：你真係請唔到本地人。點證明？你要係勞工處登足4星期廣告，真係冇人見工或者見咗都唔啱，先可以話你係有「誠意」嘅。
如果係搞建築地盤嘅大佬，就要睇「建造業輸入勞工計劃」，但個工程合同價要過10億銀先有得傾，門檻唔低。揸車嘅就屬於「運輸業輸入勞工計劃」，的士小巴司機都有得諗，不過要有牌。仲有「院舍輸入護理員特別計劃」，專門請護理員，最近連粵語要求都放寬咗，對安老院舍來講係好消息。
請個外勞，究竟要搞幾耐？
我知你急，但政府有佢自己嘅節奏。成個申請外勞流程，由你決定請人到個外勞真係可以開工，最快都要5到6個月。點解？你要預時間：1星期準備同交申請表，跟住要等政府審批，呢Part最耐，閒閒地等3-4個月（政府部門你明啦）。批咗之後，先至到揀人、見工、搞簽證，又要個幾兩個月。所以話，人手規劃要早，臨急先抱佛腳，真係趕唔切架。
外勞人工同外勞住宿，使費有數得計！
講錢失感情，但呢筆數一定要計。首先，外勞人工唔可以低過同職位嘅市場中位數。例如請個餐飲侍應或者零售Sales，點都要出萬五蚊一個月左右；地盤工人就要兩萬蚊左右。呢個係法定最低，只可以高，唔可以低。
另外，每個外勞每個月你要幫佢交$400「僱員再培訓徵費」，即係話請多個人，每個月硬食多幾舊水。至於外勞住宿，你就一定要包！可以係香港租地方俾佢哋住，如果佢自己選擇住深圳，交通費就佢自己搞掂。仲有，你一定要幫佢買醫療保險，保障佢工作期間嘅醫療需要。所以計外勞住宿费用同其他雜費，都要預鬆啲 budget。
自己搞定揾外勞仲介？
有冇諗過自己動手慳返筆？理論上係得嘅，你要自己對住勞工處份份表格，跟足指引做本地招聘，填錯少少都可能被打回頭。有數據話，自己申請ESLS嘅成功率得26%左右，即係話試四次先可能成功一次，時間同心機都嘥曬。
所以，好多老闆都會揾外勞仲介推薦嘅服務公司幫手。一間可靠嘅外勞仲介，可以幫你做曬啲繁瑣步驟：由幫你申請外勞配額、安排本地招聘廣告、喺佢哋個人才庫度同你配對合適人選，到之後搞簽證、安排入境同外勞住宿，一條龍服務。佢哋熟書，知道點樣準備文件容易過關，聲稱成功率可以去到九成幾，確實可以幫你慳返大量行政時間，等你可以專注返舖頭嘅生意。
總而言之，香港输入外勞係解決人手短缺嘅一個有效方法，但事前一定要做足功課，了解計劃要求、流程同成本。如果你覺得程序太複雜，想有專人跟到足，市面上有唔少專業機構可以提供協助。
就好似「港通外勞」，佢哋專門幫雇主輕鬆請大陸外勞，由申請到員工到港一站式搞掂，有專人跟進，省卻你不少煩惱。如果想了解多啲，不妨打電話或Whatsapp查詢下，熱綫係 98264656，問下又唔使錢，攞多個參考都好嘛！