各位香港老闆係咪成日覺得請人難？尤其係飲食、建築呢啲行業，本地工人唔夠，搞到有生意都接唔到。唔使愁，香港外勞計劃就係幫你打開人才庫嘅鎖匙！不過，申請之前有無一堆問號喺個腦度打轉？今日就同大家輕鬆拆解輸入外勞最常見嘅問題，等你可以明明白白搞掂外勞申請流程！
1. 外勞配額點計？請幾多本地人先夠？
好多老闆第一句就問：「我公司可以申請幾多個大陸外勞？」簡單嚟講，外勞配額計法係：每請 2 位全職本地工人（每週做足 35 小時以上），就可以申請 1 個外勞名額。唔使特登拎強積金記錄出嚟對數，但記得本地招聘步驟一定要做足，如果唔係勞工處主任實會問長問短㗎！
萬一本地招聘請到部分人點算？例如你要 10 個位，請到 2 個本地師傅，咁剩低 8 個名額就可以用來申請外勞，就係咁簡單！
2. 申請外勞流程係點？批文要等幾耐？
申請外勞程序大致分幾步：先做本地招聘，之後向勞工處交表，等出申請外勞原則性批准（即係外勞批文），之後先可以安排工人過嚟。成個過程快則幾個星期，慢則兩三個月，視乎文件齊唔齊。提提你，如果想指定請某位內地熟人，可以喺攞到配額後提出，合規嘅外勞仲介會幫你辦妥內地簽證手續。
3. 外勞人工、福利、住宿點安排？
外勞人工有無最低要求？有！唔可以低過政府統計處行業工資中位數，即係話你要跟市價出糧。福利方面，外勞同本地工一樣有勞工法保障，有薪假、醫療福利，但唔使供強積金。工時每日最多 12 個鐘，每週至少放 1 日。
至於外勞住宿，規定一定要提供！你可以：
- 公司提供宿舍；
- 工人自己返內地住（適合近口岸地區）；
- 或者經外勞仲介安排住宿，一般會喺薪金扣返約 10% 作為外勞住宿費用。好多老闆揀呢個方案，貪其方便唔使自己搵樓。
4. 萬一勞工中途離職點算？
外勞合約期內辭職或被解僱，需要提前 7 日通知。好消息係，僱主之後可以向入境處申請替補外勞，唔使再畀額外徵費，唔會嘥咗個外勞配額。
5. 點樣揾可靠外勞仲介？
市面上有好多中介，點揾外勞仲介推薦？記住三個關鍵：
- 睇佢係咪香港勞工處持牌職介所；
- 內地合作方有無商務部認可資質；
- 收費同流程是否透明。 如果對方答得含糊，就要打醒十二分精神！
6. 改工作地點？不如唔好搞！
有老闆問：申請時寫明喺觀塘開工，可唔可以中途調個外勞去屯門？強烈建議唔好！改地點程序繁瑣，隨時等幾個月，合約完咗都未批。真係有必要，一開工就要向勞工處申請，唔好中途先嚟改。
7. 集團點樣請外勞最著數？
好似飲食集團咁，最好用出糧嗰間子公司名義申請，同時提交母公司同旗下分公司名單，等勞工處主任一次過審批，減少來回補文件時間。
總結
其實香港外勞申請無想像中咁複雜，只要跟足輸入外勞計劃規定，備齊文件，搵對合規中介，就可以順利請到人手幫輕業務。最重要係本地招聘步驟要做足，薪金住宿跟指引，就唔怕之後有爭議。
如果睇完仲有疑問，或者想知自己公司是否符合外勞申請資格，歡迎搵我哋詳細查詢！
港通外勞，幫雇主輕鬆請大陸外勞，電話或WhatsApp查詢熱線：98264656