步驟1：準備文件同遞交外勞申請
如果個職位符合《補充勞工優化計劃》或者「行業輸入勞工計劃」，就可以填寫「常見職位申請表 (ESLS-1A)」或者「非常見職位申請表 (ESLS-1B)」。
步驟2：進行四星期本地公開招聘
勞工處會刊登職位空缺資料，僱主亦需要喺14日內刊登最少四次招聘廣告，並且要見曬由勞工處轉介嘅求職者。招聘期完咗之後，僱主一定要喺4個工作天之內交招聘報告。
步驟3：審批及獲得配額批文
政府大約需要3至4個月去審核，如果有需要，相關部門會叫僱主提供補充資料／證明檔，或者建議修改申請職位嘅要求。如果僱主唔能夠喺指定時間內回覆，有關申請就會暫停處理。另外，如果申請唔批，僱主都可以提出覆核。如果批咗，僱主會收到「原則性批准通知書」，通常有效期係六個月，僱主要喺有效期內搞掂之後嘅簽證申請步驟。
步驟4：招聘面試外勞
僱主可以開始揀外勞，同埋安排綫上綫下見工試工。
步驟5：辦理外勞工作簽證
選定外勞人選後僱主要安排外勞辦理簽證.
步驟6：交再培訓徵款 及 攞VISA簽證
喺入境處批出簽證之前，僱主要為每個外勞交「僱員再培訓徵款」，金額係$400乘僱傭合約期內嘅月數（最多24個月），任何情況下都唔會退款。
步驟7：正式開工
搞掂以上所有步驟之後，就可以安排外勞正式開工。
WhatsApp查詢 | 請外勞申請流程 | 請外勞費用成本計算表 | 雇主請外勞常見問題 | 外勞工種類型 及 對應薪資中位數標準 | 最新外勞資訊新聞 | 聯絡我們